Kur vjen puna te një ngjarje me rëndësi, event apo një kujtim që duhet të ruhet si më i bukuri, secila nga ne i drejtohet fustaneve. Sigurisht që duke u bazuar në shijet personale dhe rëndësinë e festës ku do të ishit të pranishme veshjet variojnë nga ato me dekore, tek ato më të thjeshta dhe nga fustanet e gjatë te ata që kujdesen të nxjerrin në pah asetet femërore. Stina e verës është e mbushur me festa të rëndësishme, herë dasma që kthehen në evente të mëdha ose mbrëmje të veçanta nga ato që vetëm njëherë në jetë ndodhin. Nëse po kërkoni një ide si duhet të visheni me klas dhe fustani i gjatë është një dëshirë e juaja, vajzat e ekranit kanë disa sugjerime. Disa prej tyre kanë veshur të paktën 1 herë në një dalje publike, set fotografik, event apo performancë një fustan të tillë. Modelet janë nga më të bukurit dhe më të veçantët. Mbase te njëri prej tyre do gjeni edhe ju veten…/revistawho.com
