Dua Lipa vendosi të konfirmojë më në fund lidhjen me regjisorin Romain Gavras, duke parakaluar çift në tapetin e kuq të Festivalit të Kanës. Kjo është hera e parë që dyshja dalin publikisht bashkë dhe sigurisht që kanë marrë të gjithë vëmendjen. Mirëpo jo të gjithë e kanë pritur mirë lidhjen e Duas me regjisorin 41-vjeçar. Një ndër to është edhe Klea Huta, e cila ka postuar një video ku e pyet këngëtaren pse nuk ka qëlluar njëherë në shenjë me të dashurit.
“Dua t’i them Dua Lipës: Moj gocë si nuk qëllove njëherë në shenjë me këta të dashurit?!”, thotë Klea duke shkruar me humor krah postimit se ky është një “problem serioz”.
