Pas mbrëmjeve plot ngarkesë nën drejtimin e spektaklit ‘Këngë Moj’ në ekranin e ‘Vizion Plus’, Klea Huta arrin të ketë përqafimet më të ngrohta e ato më të sigurta.
Me një foto të vetme, moderatorja ka treguar se si ndihet sapo merr në krahë të birin, Krid.
“Ja kush e pret mamin zgjuar, se ne nuk flemë po nuk erdhimami në shtëpi nga puna. Dhe na zë gjumi kështu. Ndalu moj kohë përgjithmonë tani”, ka shkruar Huta krah fotos ku mbi gjoks ka marrë përqafimin më të bukur.
E kur vjen puna tek përqafimet nga njerëzit më të shtrenjtë, të gjithë duan ta ndalin kohën si me buton për t’i zgjatur më shumë momentet e qetësisë, pushimit dhe dashurisë.
Krid e di tani formulën se si ta shplodhë mamin, mjafton një përqafim dhe gjithçka zgjidhet me një kërcitje duarsh./revistawho.com
