Ditën e djeshme qarkulloi me shpejtësi lajmi se balerini dhe koreografi shqiptar, Kledi Kadiu, do të kthehet në Shqipëri. Ai do të jetë pjesë e spektaklit të kërcimit “Dance With Me”, i moderuar nga Alketa Vejsiu. Kledi do të ketë të drejtën e gjykimit të kërcimeve, si i vetmi profesionist në mes të anëtarëve të tjerë, Robert Aliajt dhe Valbona Selimllarit.
Por të gjithë e dimë se këtë vend më parë e ka mbajtur koreografi Albi Nako prej disa vitesh dhe shumë prej nesh mund të pyesin se çfarë do të ndodhe më të.
Revista “Class” zbulon se Albi Nako nuk do të jetë më në panelin e jurisë së këtij spektakli, pasi koreografi është tërhequr vetë nga angazhimi me këtë produksion, pasi pozicioni i tij krijon konflikt interesi me konkurrentët që përgatiten prej tij në sallën e vallëzimit gjatë javës. Për të shmangur çdo polemikë, Albi me disa projekte ambicioze profesionale për hapjen e një shkolle të vërtetë baleti në Shqipëri, preferon të punojë në prapaskenë si Drejtues Artistik i programit./revistawho.com
