“Po ju tregoj një sekret, ka shumë ditë kur i urrej format dhe muskujt e mi” – është shprehur Shannon, një instruktore fitnessi.
Këtë fjali mund t’ja kemi thënë edhe ne shumë herë vetes përpara pasqyrës. Kush ka fizik me kofshë të mbushura kërkon kofshë më të holla, ndërkohë e kundërta ndodh me ato që kanë këmbë të gjata dhe të holla si ëngjëjt e ‘Victoria Secret’. Gjithmonë kemi diçka që duam ta ndryshojmë tek vetja dhe kërkojmë atë që jo domosdoshmërisht i përshtatet fizikut dhe strukturës tonë.
Por cila do të ishte idealja, këmbë të gjata dhe të holla si Kendall Jenner apo kofshë të trasha si Beyonce?
Yjet e showbiz-it botëror kanë dy struktura komplet të ndryshme fizike, por që sa herë janë kritikuar nga fansat mbi luhatjet që mund të kenë patur në peshë e kanë mbrojtur me fanatizëm fizikun e tyre.
Kur Kendall është akuzuar se dukej pak më e shëndosh është përgjigjur: “Më pëlqejnë format e mia, nuk ka pse të jem si gjithë modelet e tjera, edhe me një kilogram më shumë”.
Ndërkohë Beyonce e ka ndjerë shpesh presionin kur gjatë shtatzënive ka patur luhatje në peshë. “Presioni për t’u dobësuar ka qenë i jashtëzakonshëm, ndërkohë që unë isha shumë rehat me fizikun tim dhe ndryshimet që ai pëson herë pas here. Krijoni karakterin tuaj dhe shijojeni jetën”-ka thën diva e muzikës botërore.
Në këtë rast kemi dy shembuj sa të ndryshëm, por edhe të ngjashëm në llojin e vet. Këmbë të gjata dhe të holla si një “ëngjëll” i Victoria Secret apo këmbë të kolme dhe muskuloze si Beyonce? Nuk ka rëndësi, ato të dyja janë yje që njihen në mbarë botën. Duajeni trupin dhe format tuaja, ato janë një dhuratë e natyrës./revistawho.com
