Trendi i ri do t’ju pëlqejë. Arsyeja? Po ja, nuk do lodheni duke menduar si ta kombinoj këtë çantën me ato këpucët apo bluzën me pantallonat. Se trendi i ri është të mos kombinohemi aspak në ngjyra. Vajzat e njohura shqiptare janë ato që po e përhapin këtë trend, si Luana Vjollca e cila u shfaq në një darkë me xhinse të shkurtra, bluzë të verdhë, taka lejla e çantë rozë. Po ashtu dhe Lori Hoxha me xhinset e saj të gjata, atlete të bardha, çantën e verdhë dhe një bluzë rozë.
Megi Luka e Aurela Hoxha janë dy vajza të tjera që gjithashtu nuk i kanë kombinuar në detaje veshjet e tyre dhe sërish ngjajnë kaq cool.
