Data 20 qershor rezervon disa orë argëtimi në zonën më atraktive të Tiranës, me një organizim nga ata që kryeqyteti i ka parë rrallë. ‘Të gjitha rrugët të çojnë në Tiranë’ do të bëjë bashkë yjet e muzikës popullore dhe jo vetëm. Emrat më të njohur të estradës shqiptare si Remzie & Nexhat Osmani, Maya, Eranda Libohova, Rovena Dilo, Orgesa Zaimi, Lori Kaçka, Gili dhe Selami Kolonja do të argëtojnë publikun e amfiteatrit me një koncert i cili do të sjellë këngët më të pëlqyera dhe të duartrokitura ndër vite për të gjithë. Tingujt e muzikës së mirë do të “pushtojnë” zonën e liqenit artificial, që është padyshim më e frekuentuara në Tiranë. Koncerti do të startojë në orën 19:30 dhe pjesë e repertorit do të jenë këngë të vjetra, por dhe të reja popullore shqiptare. Ky koncert i organizuar nga gazetari Eraldo Rexho dhe këngëtarja e njohur e muzikës shqiptare, Rovena Dilo, do të rezervojë gjithashtu dhe shumë surpriza për të gjithë publikun që do të jetë prezent në shkallët e amfiteatrit. Përveç performancave të artistëve shqiptarë, spektatorët do të kenë mundësinë të bëhen fitues të disa dhuratave fantastike, të ideuara posaçërisht për ta. Një udhëtim çift 5 ditë në Zakynthos i mundësuar nga ‘Zenith travel’, 1 Smartphone ‘Blu’, 1 palë bokse muzike me ‘bluetooth’, 1 palë kufje ‘EnergySystem’ mundësuar nga ‘Lefutur’, 3 palë syze nga ‘Italoptik’, 1 varëse me kristale Swaroski nga ‘Swarovski Albania’, 1 orë Swatch, 1 vazo kristali nga ‘Villeroyboch Albania’ etj. Do të jenë këto dhuratat të cilat do të dorëzohen në 20 qershor me anë të një shorteu i cili do të hidhet ‘live’ gjatë orëve të koncertit. Nëse keni plane këtë të enjte, atëherë anulojini pasi na besoni kur ju themi se orët nën muzikën më të mirë shqiptare do të jenë më të bukura se çdo gjë që keni në mendje. Në datë 20 qershor, në orën 19:30 te gjitha rrugët ju çojnë tek amfiteatri./revistawho.com
https://www.instagram.com/p/By3Q4gEBvrE/
https://www.instagram.com/p/By5wK2Nh3y5/
