Prej ditësh kanë qarkulluar fjalë për një largim të mundshëm të Ilda Bejlerit nga ‘Supersport’ për arsye ende të pakonfirmuara. Dyshimet u shtuan edhe më shumë kur moderatorja e njohur u fotografua krah Edi Manushit teksa bisedonin në një nga baret e Tiranës. Por pak minuta më parë të gjithë lajmet janë vërtetuar. Ilda është larguar nga ‘Supersport’ dhe së shpejti do të vijë një projekt i ri nga ajo. Lajmin e bëri të ditur miku i saj, bloggeri, Olti Curri, i cili ka publikuar një foto me bukuroshen e ekranit dhe ka shkruar: “Duke festuar me Ilda Bejlerin rrugëtimin e ri në një super projekt”.
Megjithëse nuk janë zbuluar detaje të tjera, ky lajm më në fund i dha një përgjigje dyshimeve për vendimin e moderatores së njohur. Mesa duket tashmë zgjedhja është bërë, ndërsa më vonë pritet të zbulohet edhe më tepër për projektin e ri. / revistawho.com
