Të shtunën pritet të transmetohet në “Top Channel”, programi përmbyllës i “Big Brother”. Në “Post BB”, zakonisht thuhen të gjitha të pathënat e lojës duke i dedikuar disa orë transmetimi, diskutimeve e sqarimeve të konkurrentëve. Ky “Post Big Brother” me sa duket është gati, pasi është regjistruar paraprakisht. Vetëm se edhe për këtë rast, ashtu siç ka ndodhur shpesh përgjatë këtij edicioni, ka konkurrentë të pakënaqur. Enida dhe Marjusi janë një çift, loja e të cilëve zgjati pak. Ata u prezantuan siç ishin, një çift shqiptar i martuar prej kohësh. Por u eleminuan shpejt. Në llogarinë e tyre të Instagram ata shprehin se nuk i kanë lejuar të thonë mendimin e tyre. “Edhe Post BB e bëtë ashtu siç donit vetë. E dinim shumë mirë që ju vendosnit për çdo gjë (për daljet, për fituesit, për zënkat). Por se s’do na linit me fol çfarë mendonim, s’na e priste mendja. Program i dështuar”, kanë shënuar ata./ revistawho.com
