Të qenurit personazh publik dhe për më tepër mashkull, herë pas here kërkon të ruhet një kod etik në veshje, i cili ka të pashmangshme kravatën.
Por personazhet që nuk qëndrojnë në kornizat e klasikes e shprehin shpirtin e tyre artistik dhe modern, tek i vetmi aksesor që mund t’ja lejojë një gjë të tillë brenda një kostumi serioz, kravata.
Kur drejton një emision televiziv, je pjesë e një programi mediatik, je kryeministër dhe takimet zyrtare të imponojnë mbajtjen e kravatës edhe pse një t-shirt dhe atletet do të ishin perfekte, zgjidhja e vetme për të qenë ndryshe janë ngjyrat dhe printet.
Por kush janë personazhet e ekranit që guxojnë vazhdimisht duke bërë pjesë të imazhit të tyre kravatat me dizenjo të guximshme dhe plot ngjyra?
Blendi Fevziu
Mjafton ta përmendim emrin e tij dhe në mendje vijnë menjëherë kravatat karakteristike me printe lulesh, kafshësh apo figura gjeometrike. Në qoftë se shohim në retrospektivë preferenca e moderatorit për kravatat shumëngjyrshe ka qenë që në daljet e tij të para në ekran.
Sokol Balla
Sokol Balla identifikohet me çorapet me ngjyra dhe kravatat e veçanta dhe plot stil.
Edi Rama
Edi Rama i cili pa frikë mund të quhet si “Kryeministri me atlete, pa kravatë”, edhe pse preferon një veshje sportive, detyra që mbart e detyron të përdorë kravatat në evente apo takime zyrtare. Sigurisht jo diçka të zakonshme, por dizenjo abstrakte, me topa dhe vija shumëngjyrshe. Në fund të fundit ka shpirt artisti, pavarësisht kostumit të politikanit./revistawho.com
