Mbrëmjen e djeshme, pas 10 muaj punimesh, para qytetarëve u zbulua përfundimi i Sheshit Skënderbej, që e shndërroi qendrën e Tiranës, në bazë të një projekti herë të lavdëruar dhe herë të kontestuar. Megjithatë, tashmë projekti është zbatuar dhe shqiptarët e veçanërisht banorët e Tiranës, por dhe turistët kanë një shesh të ri.
Gjatë fjalimit emocional, Kryeministri Rama i cili u ngjit në foltore duke thënë që po i dridheshin gjunjët, përmendi në një pikë, edhe djalin e tij të vogël, Zahon, kur po thoshte që fëmijët e brezit të tij do ishin falënderues për këtë investim. Sipas Ramës, Zaho ishte diku aty…
Megjithatë një postim nga motra e tij, vajza e Linda Ramës, Rea, na tregon ku ishte konkretisht djaloshi i vogël. Ai ka qëndruar në prehërin e saj gjatë përurimit. “T’lumtur n’shesh”, shkruan arkitektja e re, por pa e zbuluar fytyrën e Zahos.
Nuk është hera e parë që Rea shfaqet me Zahon, i kemi parë në plazh, në muze…Me sa duket ajo nuk ndryshon nga motrat e tjera të mëdha, gjithmonë të kujdesshme dhe protektive. / revistaclass.al
