“Sa je shëndoshur”, kështu i shkroi një komentues Ronelës në foton e saj të fundit dhe këngëtarja nuk ia përtoi përgjigjen. “Pse ti po më mban o rrush”, ia ktheu ajo. Deri këtu ok, e dimë që komente negative dhe pa takt ka sa të duash, por kur do marrë fund kjo? Për shembull, për çfarë i duhet një komentuesi sa është shëndoshur Ronela, apo sa është dobësuar dikush tjetër, sa kile ka shtuar e sa kile ka humbur. Sot vajzat po luftojnë për të pasur vetëbesim, në një botë ku rrjetet sociale kërkojnë perfeksionin. Atëherë pse duhet ta thellojmë akoma situatën me komente të tilla?! Për sa kohë pesha nuk ndikon në shëndetin fizik, mendor, emocional etj të tyre, vajzat të shtojnë e të humbasin kile sa t’ju dojë qejfi! “My body, my rules”-thonë britanikët!
