Rruga drejt famës dhe suksesit nuk është e lehtë për asnjë. Është një rrugëtim i gjatë që shoqërohet me shumë sakrifica, mbyllje dyersh apo bërryla, megjithatë kushdo që arrin majën e di se çdo vuajtje ja vlen në fund. Edhe personazhet e njohur që sot kanë me mijëra admirues, nuk e kanë pasur rrugën të shtruar me florinj, por ja kanë dalë gjithmonë mbanë pas çdo sfide. Jeta e tyre nuk ka qenë aspak e lehtë në fillimet e karrierës, por kjo nuk i ka penguar për të ecur përpara. Një pjesë prej tyre kanë zgjedhur që këtë gjë ta shprehin edhe nëpërmjet asaj gjëje që dinë të bëjnë më mirë, këngës. Disa artistë shqiptarë nuk e kanë pasur problem të ndajnë me të gjithë historinë e jetës së tyre, që pse jo të kthehen edhe në burim frymëzimi për të të rinjtë e tjerë plot ëndrra.
Mozzik – Nana
Në këngën në të cilën falënderonte prindërit e tij, në veçanti nënën për të gjitha sakrificat, Mozzik ka zbuluar edhe një pjesë të jetës. Reperi ka treguar se familja e tij nuk ka pasur shumë mundësi financiare, por më pas falë punës së tij arriti suksesin bashkë me vëllain, duke bërë krenarë edhe prindërit.
Fero – Bona Fam
Artisti i ri arriti që brenda pak viteve të shndërrohej ndër reperët më të pëlqyer në trojet shqiptare. Pavarësisht se u duk se famën e fitoi shumë lehtë edhe për Feron nuk ka qenë aspak e lehtë rruga drejt suksesit. Në këngën e tij “Bona fam”, Fero falënderon të gjithë njerëzit që nuk e ndihmuan e që sot e shikojnë duke kapur majat e suksesit.
Tayna – Ring, Ring
Jo të gjithë kanë pasur besim tek Tayna në fillimet e karrierës së saj dhe pikërisht këtyre njerëzve reperja vendosi t’ju dedikonte një këngë. Në ‘Ring, Ring’, Tayna rrëfen gjithë jetën e saj dhe se si e shohin sot të njëjtët persona që dikur qeshnin me të dhe ëndrrat e saj.
Majk – Nuk dorëzohna
Të gjitha vështirësitë në rrugën e suksesit, Majk vendosi t’i shpaloste në një këngë. Në “Nuk dorëzohna” reperi tregon se ka pasur shumë ambicie që i vogël dhe sa falë forcës për të ecur para ka bërë realitet çdo ëndërr të tij.
Dylan – Karma
https://www.youtube.com/watch?v=KvpLPIXH0as
Artistët e rinj e kanë të vështirë të gjejnë të hapur një portë për të vazhduar rrugën drejt famës, por një njeri me ëndrra nuk mundet ta ndalë asgjë. I tillë është edhe rasti i Dylan Rekës, i cili u prezantua me këngën “Karma” në “Festivalin e 57-të të Këngës”, për të frymëzuar çdo të ri që nuk mundet të gjejë një mbështetje për të ecur përpara. /revistawho.com
