Estela Ujka është një nga bloggeret më të njohura në vend dhe falë punës së saj ka arritur të bashkëpunojë edhe me markat më të njohura të veshjeve apo produkteve të kozmetikës. Në fakt Estela nuk është bërë e njohur këto vitet e fundit, sepse në 2016-tën filloi të zhvillonte pasionin e saj si bloggere, ndërsa më herët ka qenë prezente në ekran si prezantuese. Ndoshta jo të gjithë e mbajnë mend Estelën duke prezantuar, sepse kanë kaluar shumë kohë që atëherë, por ditën e sotme bloggerja e ka kujtuar këtë gjë përmes disa fotove. Ajo ka publikuar në ‘Instastory’ disa imazhe të realizuara rreth 20 vite më parë, kur Estela ëndërronte si çdo vajzë e moshës së saj të ishte e njohur dhe e suksesshme. Mbase jo të gjithë do të kishin guximin të publikonin një foto të vjetër, në kohët kur stili dhe gjithçka tjetër ka qenë shumë më ndryshe se sot. Por Estela si një bloggere që i pëlqen realiteti dhe jo filtrat e shumë të rrjeteve sociale ka zgjedhur t’i publikojë. Në njërën prej fotove ajo shfaqet e veshur me një palë bikini dhe sigurisht me disa kilogramë më pak se sot, që është nënë e tre vajzave. “20 vite më parë. Kur nuk ekzistonin filtrat e as ‘photoshop-i’”, ka shkruar Estela në foton e saj.
Ndërsa në një tjetër ajo shihet me një mikrofon dhe përkrah saj ka shkruar me shaka: “Për të gjithë ata që pëlqejnë dhëmbët e mia sot”.
Estela është një nga bloggeret më të diskutuara në rrjete sociale, por në të njëjtën kohë një nga më të pëlqyerat për faktin që tregohet gjithmonë aq realiste me të gjithë. /revistawho.com
