Disa javë më parë, aktori i njohur i humorit, Bes Kallaku zbuloi se pjesë e aktorëve në kastin e filmit ‘Falco’ është dhe këngëtarja e njohur, Bleona Qereti. Mëngjesin e sotëm ajo ka ndarë me ndjekësit në rrjetet sociale një foto nga prapaskenat e këtij projekti kinematografik, për të cilin puna ka nisur disa muaj më parë. “Filmi ‘Falco’, kush është gati, skifterat në fushatë elektorale”, ka shkruar ajo krah fotos me Bes Kallakun, Olsi Bylykun dhe Arben Derhemin. Mesa duket ora e publikimit në të gjitha kinematë shqiptare po afron dhe këtë e kanë zbuluar personazhet e njohur që janë bërë pjesë e tij me anë të postimeve të ndryshme n rrjetet sociale. Kujtojmë se ‘Falco’ ka bërë bashke dhe emra të tjerë të njohur të estradës shqiptare si Unikatili, ish-trajneri i kombëtares Giani De Biasi etj. Deri më tani nuk dihen ende rolet që do të luajnë artistët e njohur të ‘showbiz-it’ shqiptar, por kjo pritet të zbulohet sapo filmi të dalë./revistawho.com
