Një stil i ri i Uggs po bën xhiron e rrjeteve sociale, dhe meritën kryesore për këtë e ka Kendall Jenner. Modelja ka kthyer në trend një variant të veçantë të këtyre këpucëve ikonike, duke i bërë një zgjedhje të domosdoshme për sezonin e pranverës.
Pas paraqitjes së saj të paharrueshme në festën e Vanity Fair pas Oscarëve, Jenner konfirmoi edhe një herë aftësinë e saj për të diktuar modën. Këtë herë, ajo i ka dhënë jetë një stili të veçantë të Uggs me gishta të hapur, duke treguar se këto këpucë mund të jenë një zgjedhje ideale për temperaturat e buta të pranverës. 
.
Si t’i kombinoni Uggs-at e momentit?
Në daljen e saj të fundit, Kendall Jenner i kombinoi këto këpucë me një veshje të thjeshtë, por me stil klasik: një kapele bejsbolli, një bluzë të bardhë, xhaketë dhe pantallona të shkurtra me bel të lartë. Kombinimi i saj na jep një ide të qartë se si mund t’i përfshijmë këto këpucë në përditshmërinë tonë, madje edhe duke i veshur me çorape.
