Kylie Jenner e mbajti shtatzëninë e parë të saj të fshehtë, derisa erdhi në jetë vogëlushja Stormi. Menjëherë pas lindjes Kylie arriti të rifitonte format trupore, por duket se disa shenja nga shtatzënia janë vështirë për t’u larguar. Së fundmi miliarderja 22-vjeçare ka zhvilluar një intervistë me 148 milionë ndjekësit e saj në ‘Instagram’, të cilët kanë qenë kuriozë për të zbuluar detaje të shumta nga jeta e Kylie-t. Dikush e ka pyetur nëse e ka pasur të vështirë të kthehet në formë të mirë pas lindjes dhe Kylie është përgjigjur se për të ka qenë shumë e lehtë, sidomos kur filloi të pranonte ndryshimet në trupin e saj. Më pas si asnjëherë më parë ylli i “Keeping Up With The Kardashians” ka pranuar se ka strija njësoj si gjithë nënat e tjera dhe se nuk e ka shumë problem këtë gjë. “Kam strija në gjoks, të pasme dhe kofshë! Nuk i kam hequr akoma. Thjesht i pranova si një dhuratë të vogël nga Stormi”, është përgjigjur Kylie kur është pyetur nga një prej ndjekësve.
Ndër të tjera ajo ka treguar se nuk ka pasur gjë më të bukur për të kur ndiente vajzën e saj teksa i rritej dhe i lëvizte në bark. Pavarësisht se Kylie i ka dhënë fund marrëdhënies me partnerin e saj, Travis, ajo ka shprehur dëshirën për të pasur të tjerë fëmijë, por jo tani afër. /revistawho.com
