Kylie Jenner dhe Jordyn Woods e kanë lënë pas të kaluarën. Ylli i Kardashians dhe mikesha e saj, u panë duke dalë nga një restorant së bashku në Los Anxhelos të shtunën mbrëma, katër vjet pas zënkës së tyre publike, në fotografitë e siguruara nga The Daily Mail.
Paraqitja e tyre së bashku është një zhvillim i papritur pasi miqësia e tyre dikur e ngushtë përfundoi në shkurt 2019, kur u publikua lajmi se Jordyn kishte tradhtuar me Tristan Thompson, të dashurin e motrës së Kylie, Khloé Kardashian.
“Edhe pse Kylie ishte shumë e mërzitur dhe e neveritur nga situata e Tristanit, ajo nuk donte të merrte ndonjë vendim të ashpër kur bëhej fjalë për Jordyn”, tha një burim për PEOPLE në vitin 2019 për Jenner dhe Woods.
“Për një kohë të gjatë dukej sikur Kylie nuk ishte e sigurt se çfarë do të ndodhte me miqësinë e tyre. Ishte shumë e vështirë për Kylie që thjesht ta largonte Jordyn nga jeta e saj. Kylie ishte e shkatërruar në fillim. Jordyn ishte e besuara e saj për kaq shumë kohë. Kur Kylie fshihte shtatzëninë e saj nga bota, Jordyn kalonte pothuajse çdo ditë me të”, shtoi burimi.
Një muaj pasi u shfaqën për herë të parë raportet për tradhtinë, Jordyn ndau anën e saj të historisë në një intervistë, duke pretenduar se Thompson, e puthi atë në një festë në shtëpinë e tij më 17 shkurt të atij viti. Ajo e mohoi me vendosmëri të kishte kryer marrëdhënie me të.
