Shumë shpejt Lady Gaga do t’ju bashkohet emrave të personazheve të njohur që kanë ngritur një biznes me produkte kozmetike. 33-vjeçarja do të prezantojë së shpejti linjën e re të produkteve të bukurisë të quajtur “Haus Laboratories”, të cilat do të shiten në “Amazon” duke filluar nga shtatori. Këngëtarja ka publikuar gjatë ditës së sotme foto dhe video të ndryshme të linjës së re, që do të përmbajë buzëkuq me ngjyra të ndryshme, produkte për fytyrën dhe sytë.
https://www.instagram.com/p/BztJCjhFepR/?utm_source=ig_embed
Për t’i njohur të gjithë me punën e re të saj Lady Gaga ndau me të gjithë ndjekësit në ‘Instagram’ një rrëfim të ndjerë. “Kur isha e re, asnjëherë nuk ndjehesha e bukur dhe kisha vështirësi të gjeja bukurinë e jashtme dhe të brendshme tek vetja. Më pas zbulova fuqinë e ‘make up-it’. Më kujtohet kur shikoja nënën time që vendoste ‘make up’ çdo mëngjes, për të nxjerrë në pah fytyrën e saj guximtare si një grua punëtore që ishte. Më pas unë fillova të eksperimentoja me ‘make up-in’ si një mënyrë për të bërë ëndrrat e mia realitet për të qenë po aq e fortë sa nëna ime”, ka shkruar këngëtarja në postimin e saj.
https://www.instagram.com/p/BztP4qeFFiw/
Më tej ajo ka vazhduar duke thënë se vetëm prej ‘make up-it’ arriti të zbulonte guximin brenda vetes dhe bukurinë e vërtetë. Linja e produkteve të Lady Gaga do të mund të rezervohen në datë 15 korrik, por ata që nuk do të kenë mundësinë mund të blejnë më vonë diçka kur të lançohet në “Amazon”. /revistawho.com
