Pas lajmit për largimin e shoqërueses seksi të Ermal Mamaqit, publikuar ekskluzivisht në “RevistaWho.com”, zbulohet vajza që do e zëvendësojë. Vendin e seksi Rashel Kolanecit nga e shtuna e ardhshme do ta ketë një tjetër vajzë, gjithashtu shumë seksi. Ajo quhet Kejvina Kthella. Njoftimin e dha pak më parë vetë drejtuesi i “Xing” duke shënuar se zonjusha është “blerja më e re e ‘Tv Klan”. Po kush është e reja që u zgjodh të shfaqet në një nga programet më ndjekura të kanalit të rëndësishëm televiziv? Ajo është modele, një imazh jo i njohur në ekran por e suksesshme në rrjetet sociale. “RevistaWho.com” ka mësuar se biondja seksi është 23 vjeçe dhe një prej modeleve të “Kalendarit VIP 2017”. Kejvina ka jetuar prej vitesh në Itali, ku ka nisur edhe karrierën e saj si modele. Rreth një vit më parë ajo është vendosur në Tiranë, në përpjekje për t’u bërë pjesë e televizionit. 23-vjeçarja mori pjesë në “Miss Universe Albania 2017” por nuk arriti të vlerësohej me ndonjë çmim./ revistawho.com
