Teksa prej ditësh showbiz-i shqiptar “zien” për lajmin e ndarjes së reperit kosovar Ledri me bukuroshen nga Tirana Adela Sollaku, vetë këngëtari duket se po e përjeton disi më ftohtë këtë situatë. I ftuar në studion e ‘Top Show Magazine’ të Alban Dudushit, ai është pyetur nga opinionistët e këtij programi Albana Osmani dhe Ervin Kurti, lidhur me lajmin e ndarjes. “Unë kurrë s’kam folur jam lidh apo s’jam lidh dhe është një pjesë që s’më intreson shumë me fol. Adela nuk është person publik së pari, e as nuk e ka Instagramin e hapur që kërkon ndjekës. Unë s’e kam bërë publike që jam në një lidhje pikërisht prej këtyre gjërave, kam dashur t’ia respektoj privatësinë, një gjë që gazetarët deshëm apo s’deshëm nuk ta respektojnë. Për fajin tim është bërë e famshme dhe Adela. Nuk ka pasur nevojë. Gjërat ndodhin, shkojnë e vijnë”, ka thënë Ledri. Më tej ai ka treguar se ata kanë mbetur miq, e se Adela do të mbetet gjithmonë fansa e tij”. Ledri konfirmon se është “singëll” por gjithashtu edhe se Adelën e ka dashur shumë. “Adelën e kam dashur shumë. E dua. Është një prej njerëzve më të mirë që kam takuar, që më ka dashur më së shumti, që më ka respektuar”, ka deklaruar ai. Reperi e ka lënë të hapur përfundimin e historisë së tij të dashurisë, duke lënë të nënkuptohet se mund të ketë një rikthim.
