Ledri Vula ishte i vetmi këngëtar i cili këndoi në koncertin për 10-vjetorin e Pavarësisë së Kosovës krah Rita Orës. Nisur nga kjo, të gjithë aluduan për një marrëdhënie të “veçantë” mes dy artistëve, dyshimet u shtuan edhe pasi dyshja në fund u panë duke u përqafuar.
Përveç se shoqërisë me Ritën, këngëtari është përfolur edhe për një lidhje të mundshme me Dua Lipën.
Lidhur me marrëdhënien me dy këngëtaret e lartpërmendura, Ledri ka folur në emisionin “Jo vetëm Modë” ku u shpreh:
“I kam shumë shoqe të dyja. Me Ritën jemi një gjeneratë dhe mund të bëja ndonjë bashkëpunim me të, por Dua Lipa është shumë e suksesshme dhe bën muzikë shumë të mirë. Rita e ka lënë anash muzikën dhe po merret edhe me filma. Me të mund të bëja një film “Fifty Shades of Ledri”, ndërsa me Duan do bëja muzikën”, u shpreh Ledri. /revistawho.com
