Një lëndë ende e paidentifikuar që bllokon frymëmarrjen është hedhur në zyrat e ALUIZNI-t, Durrës. Personat që ndodheshin brenda në godinë kanë ndjerë një aromë mbytëse dhe më pas patën probleme me frymëmarrjen. Ngjarja ka ndodhur pasditen e kësaj të hëne, rreth orës 15: 30. Në vendin e ngjarjes ka shkuar policia, prokuroria, Shërbimet Zjarrfikëse dhe ambulanca, me qëllim parandalimin e çdo nevoje emergjente. Ndëkohë është ngritur grupi hetimor dhe pritet të përcaktohet nga ekspertët lloji i lëndës e dyshuar dhe zbardhjen e shkaqeve të ngjarjes.
Burimi: gazeta-Shqip.com
