Ato dëshirojnë si të gjithe ne, t’ia thonë çdo ditë nënave të tyre se sa shumë i duan… Por ne u kërkuam që këtë 8 mars t’i thonë fjalë zemre përmes revistawho.com grave më të rëndësishme të jetës së tyre. Ah, ato janë larg dhe kanë ditë e ndoshta muaj pa u përqafuar me mamin. Sot mesazhi i urimit nga ana e vajzave tona të famshme nuk do të bëhet në celular, por do të vijë si një përqafim i ngrohtë nga larg, prej të cilit do të marrin nga pak të gjitha zonjat, e jo vetëm mbretëreshat e tyre. Gëzuar!
Valbona Çoba, supermodelja e parë shqiptare i bashkohet vajzave të famshme shqiptare që kanë zgjedhur revistawho.com për t’i shkruar nënës së saj në këtë 8 mars…
Mami im,
Tani që jam nënë vetë i kuptoj të gjithë netët pa gjumë, lodhjen, stresin, sakrificat e tua. Ti gjithmonë e bëje gjithçka të dukej fare e thjeshtë. Të gjitha çastet e vështira dukeshin të lehta me magjinë tënde prej nëne. Jo vetëm jam me fat që të kam nënë, por ndihem dyfish e bekuar që fëmijët e mi të kanë gjyshe.
Gëzuar Ditën e Gruas, gruaja më sharmante, më e rëndësishmja e jetës sime!
Valbona / revistawho.com
