Edhe pse është kapiten i skuadrës, edhe Granit Xhaka “i merr leje”gruas per vendime të rëndësishme. Mesfushori i Arsenalit pas 7 vitesh karrierë në “Emirates”, po mendon largimin dhe një rol vendimtar në të ardhmen e tij, e ka bashkëshortja Leonita.
Xhaka është një ndër lojtarët kryesorë të ekipit të drejtuar nga Mikel Arteta, por trajneri po mendon që të bëjë dy afrime të reja në verë në mesfushë, e për shqiptaro-zviceranin te “topçinjtë” nuk do të ketë shumë hapësirë, shkruan “The Mirror”.
Në familjen Xhaka po diskutohet rikthimi në Gjermani, pasi Leonita ka mall për vendin dhe njerëzit e saj. Të dy u njohën kur mesfushori ishte pjesë e Borussia Mönchengladbach. Interesim për 30-vjeçarin ka Bayern Leverkusen.
Kontrata me Arasenalin, Xhakës i mbaron në verën e ardhshme. Merkatoja e radhës e verës është mundësia më e mirë për të përfituar financiarisht nga shitja e lojtarit.
Arsenali kërkon për kartonin e 30- vjeçarit 15 milionë euro. Arteta nuk do të ndalojë asnjë vendim të Xhakës, ndërkohë që ky i fundit do të ndikohet së tepërmi edhe nga dëshira e bashkëshortes së tij Leonitës.
