Javën e kaluar në media nisi të qarkullojë një lajm ku thuhej se 48-vjeçarja Naomi Campbell dhe 25-vjeçari Liam Payne janë në një lidhje. Mjaftoi një koment flirtues nga ana e Liam dhe thashethemet u përhapën shumë shpejt.
Por me sa duket këto fjalë tani po marrin kuptim dhe këtë e tregojnë qartë disa foto të publikuara nga “Daily Mail”.
Mbrëmjen e së martës dyshja janë fotografuar teksa dolën nga një restorant në Londër. Ata shfaqeshin mjaft të lumtur pranë njëri-tjetrit dhe kur e panë se ishin rrethuar nga kamerat u munduan të shmangeshin.
Pas ndarjes së bujshme nga Cheryl Cole, Liam është përfolur disa herë për një lidhje të re, por këngëtari ende nuk ka pranuar asgjë./revistawho.com
