Lidhja me Tean, reagon Veseli: Po na krijoni përçarje me këto lajme

Ditën e sotme në shtypin rozë u publikua lajmi se ish-çifti i edicionit të fundit të Big Brother Vesel dhe Tea janë kthyer bashkë. Sipas artikullit që citonte burime të afërta më ta, Tean dhe Veseli kanë rinisur edhe njëherë marrëdhënien e tyre. Edhe pse të ndarë ata kanë vijuar të komunikojnë si miq, dhe pas disa takimesh, ata u janë kthyer ndjenjave. Dy ish-banorët e “Big Brother” janë parë shpesh në shoqërinë e njëri-tjetrit në jetën e natës së kryeqytetit, shkruhej në artikull. Mirëpo duket se kjo është e pavërtetë. Në një reagim në llogarinë e tij të Facebook, Veseli jo vetëm që mohon rikthimin me Tean por deklaron se këto lajme po i sjellin probleme e përçarje, ndoshta me dikë tjetër… “Sa hap sytë në fundjavë, në vend që të lexosh diçka zbavitëse apo diçka me vlerë, gjëja e parë që të kap syri jane lajme të pavërteta në lidhje me veten. Por më tepër të habit siguria me të cilën është ndërtuar lajmi i cili na qenka marrë nga “Burime të Afërta”, ndërkohe që unë nuk jam kontaktu nga asnjë nga mediat që kishin nxjerrë atë lajm. Nuk di njeriu ç’ka me ba në raste të tilla, me u mërzit , a me qeshë… Më mirë me qesh, se për humor u bë kjo punë, ka shkruar ai.