Mbrëmja e djeshme shënoi promovimin e librit të ri të poezive të Timo Flllokos, ‘Kërcim në bosh’. Eventi që u organizua mblodhi miqtë më të afërt të çiftit të njohur Vera dhe Timo, në një mbrëmje plot emocione.
Megjithatë diçka mungoi dhe ishte Linda Flloko, vajza e vetme e çiftit, e cila për shkak të angazhimeve që ka në Los Angeles nuk u gjend fizikisht pranë prindërve. Nga larg, ajo dërgoi një mesazh emocionues dhe të ndjerë në këtë ditë të shënuar për të atin.
“Kjo jetë e përkohë kërkon harmoni, ska kohë për të urryer, kërkon dashuri…Mall i pamatë tek ta do më kthejë, si premtim i heshtur i jetës që përtej. Mirëmbrëma! Ky zë vjen nga larg, por vjen me shumë dashuri për dy njerëz kaq të shtrenjtë për mua. Jam shumë e lumtur që keni mundësi që sot të jeni dhe të jetoni në qiellin e Tiranës në këtë natë për poezinë, për dashurinë, për jetën. Thonë se ne nuk shkruajmë apo lexojmë poezi për të qenë të përveçëm, por sepse jemi humanë. Mjekësia, ligji, biznesi, politika sigurisht janë qëllime të mëdha të jetës, por poezia, romanca dashuria janë gjithçka për të cilat ne jetojmë. Ju përqafoj shumë fort të gjithëve dhe jam pranë jush me zemër. Uroj të keni një natë të bekuar”, -shprehet Linda duke i emocinuar pa fund prindërit dhe të pranishmit./revistawho.com
