Ndarja nga jeta e Aneta Ramës ka lënë dhimbje të thellë tek familjarët e saj. Bashkëshortja e kryeministrit Rama, Linda, e ftuar sot në “Ilva now”, u përlot kur Ilva Tare e pyeti se çfarë raporti kishte me nënën e kryeministrit.
Pasi u përpoq të mbajë lotët, me zërin e mekur, Linda tha se Zaho po ta shihte në këto momente do t’i thonte: “Mami mos qaj”.
“Ajo që mund të them unë është që ne jemi akoma me plagë të hapur për humbjen e mamasë së Edit dhe fushata ishte shumë afër dhe na e bëri më evidente mungesën e saj, veçanërisht mua, që në fakt bisedat me mamanë e Edit i kisha të përditshme, i kisha shumë të gjata. Mendoj që kishte një problem me ne sepse ne, mamaja e Edit na kishte bindur në kohë që nuk do ikte asnjëherë. Ajo ishte përçmuese ndaj dhimbjes, ishte e pakrahasueshme në përkushtimin e saj. Ishte shumë kurajoze në të gjitha këto sfidat që e vinte shëndeti i saj i brishtë dhe do thosha ishte jashtëzakonisht dinjitoze dhe mund të them edhe këtë që ajo ishte madhështore në mënyrën se si e përballoi të papërballueshmen për aq shumë gjatë për shkak të gjuhës shumë të egër politike duke mbetur mbështetja më e madhe ndaj Edit dhe kërkuesja më e madhe ndaj tij”-tha Linda Rama.
