Lindi ditën që tërmeti i mori gjithë familjen, mijëra kërkesa për të birësuar vajzën siriane!

Imazhi i një foshnjeje të porsalindur të nxjerrë nga rrënojat e një ndërtese të shembur në veri-perëndim të Sirisë ka prekur shumë njerëz në të gjithë botën.
Bebushja, e cila është quajtur Aya (që në arabisht do të thotë mrekulli), ishte ende e lidhur me nënën e saj me kordonin e kërthizës. Ajo nuk ka humbur vetëm nënën në këtë katastrofë natyrore, por edhe babain me motrat dhe vëllezërit.
Ajo është ende në spital në një gjendje të qëndrueshme dhe tani mijëra njerëz kanë ofruar ta adoptojnë vogëlushen.
Menaxheri i spitalit, Khalid Attiah ka marrë gjithashtu dhjetëra telefonata nga e gjithë bota me oferta për t’u kujdesur për të. Por Dr Attiah, e cila ka një vajzë katër muaj më të madhe se Aya, tha: “Unë nuk do të lejoj askënd ta birësojë atë tani. Derisa të vijë familja e saj e largët, unë po e trajtoj atë si vajzën time”.