Po bën më shumë se dy vite kur Lori Hoxha bëri publike marrëdhënien e saj të dashurisë me Vis Bajraktarin. Ajo ka preferuar që lidhja e saj të jetë diçka shumë private dhe për këtë arsye edhe fotografitë me të dashurin janë shumë të pakta.
Duke qenë se trashëgimtarja e ‘Top-Channel’ është treguar kaq diskrete një pjesë e madhe e publikut janë shumë kuriozë të dinë diçka më tepër për jetën e saj private. Ditën e sotme në një intervistë në emisionin radiofonik ‘You & Me’ Lori ka shuar kureshtjen e të gjithëve duke treguar se si është njohur për herë të parë me Visin. “Ne kemi bashkë 6 vjet e gjysmë. Jemi njohur në shkollë, nuk ishte dashuri me shikim të parë. U deshëm fillimisht si njerëz, pastaj si romantikë. Unë nuk bëj hapa të parë. E bëri ai. Kur shkova në shkollë për herë të parë, njerëzit mu turrën, kurse Visi më mbrojti. Me hodhi krahun si shok i mirë. U afrua me familjen time. Po për të nuk dua të flas, sepse dua të ecë vetë, më mjafton babi” ka treguar Lori. /revistawho.com
