Luiz Ejlli ka zbuluar surprizën e radhës për fansat e tij. Përmes një Instastory, ai bëri të ditur se shumë shpejt do të nisin xhirimet e një filmi të ri, ku protagonistë do të jenë ai dhe Kiara.
Sipas tij, skenari tashmë është gati, ndërsa projekti premton të sjellë një version të tyre “si kurrë më parë”.
“Shumë shpejt nisim xhirimet e filmit. Do të shihni një Luiz dhe një Kiara si kurrë më parë”, – u shpreh Ejlli, duke mos zbuluar detaje të tjera rreth fabulës apo datës së publikimit.
Kjo nuk është hera e parë që Luizi shfaqet në një projekt kinematografik. Kujtojmë se më herët ai ka luajtur edhe në filmin “Në kuadër të dashurisë”, me Olta Gixhari.
