Këtë vit Orgesa Zaimi konkuroi në ‘Kënga Magjike’ me këngën ‘Verën ku ma le’ me tekst të Aida Barakut dhe muzikë të Armend Rexhepagiqit. Disa këngë të tjera pjesëmarrëse mbajtën vulën e këtyre dy artistëve, të cilët ndër vite kanë bashkëpunuar me shumë këngëtarë shqiptarë. Duke qenë se Aida dhe Armendi janë shumë të talentuar në këtë fushë të tyre edhe kënga e Orgesa Zaimit rezultoi mjaft e suksesshme në ‘Kënga Magjike’. Për këtë arsye këngëtarja i ka dedikuar disa fjalë vlerësimi mikes së saj, Aidës. Zaimi ka publikuar në ‘Instagram’ një foto me Barakun dhe ka treguar se zërin dhe punën e saj e ka adhuruar qëkur ka qenë e vogël. “Kur isha e vogël dhe pashë për herë të parë Aidën duke kënduar ‘Ti nuk më meriton’ me aq personalitet dhe interpretim e zë fantastik u binda më shumë që kur të rritem do të bëhem këngëtare. Ta njohësh e të punosh me të është një nga gjërat më të bukura që më ka ndodhur në jetë. Larg vëmendjes, larg mediave sociale, larg vanitetit e me shpirtin artistik të them lum Shqiptaria që të ka”, ka shkruar Orgesa përkrah fotos me tekstshkruesen e këngës së saj.
Baladat më të bukura shqiptare janë pronë e krijimtarisë së Aida Barakut dhe me siguri çdokush që ka pasur fatin të bashkëpunojë me të bie dakord me fjalët e Orgesës. /revistawho.com
