Madonna është paditur nga dy persona në NY për vonesën në koncertin e saj të planifikuar më 14 dhjetor. Atë ditë, siç theksojnë dy burrat në padinë e tyre, ata janë prekur ndjeshëm nga vonesa e Madonnës, pasi të nesërmen “duhej të zgjoheshin herët për të shkuar në punë”.
Atë natë, ajo kishte planifikuar koncertin e saj në “Big Apple”. Biletat thanë se shfaqja do të fillonte në orën 20:30, por Madona doli në skenë dy orë më vonë. Ashtu siç pritej, kjo vonesë shkaktoi reagime të forta nga fansat e saj.
Dy burrat që bënë padinë, Michael Fellows dhe Jonathan Hayden, ishin mes atyre që ndoqën koncertin. Ata theksuan se sa e vështirë ishte kthimi në shtëpi sepse shfaqja mbaroi në orën 01:00 dhe kështu “u gjendën përballë mundësive të kufizuara për t’u kthyer në shtëpitë e tyre, rritjes së kostove të transportit privat ose publik, apo transportit publik të kufizuar, deri në fund të koncertit”, thuhet në padi.
