Heidi Baci ka bërë një reflektim për vitin 2024, duke theksuar se për të ka qenë vit magjik, por edhe i vështirë.
“Ky është fundi i një viti magjik për mua, guxoj të them absurd, një vit sa i mrekullueshëm aq edhe i vështirë. Kam përjetuar emocione ekstreme, të vërteta, kam përzier momente trishtimi të thellë dhe gëzimi të pastër, por në fund mësova se është pikërisht kjo bukuria e jetës. Jam rritur shumë, e kam kuptuar që e rëndësishme është të japësh maksimumin, gjithmonë, sepse duhet të luftosh për gjërat në të cilat besojmë dhe duam, madje të shkojmë në pikën sa të humbasim gjithçka, dhe më pas t’i marrim të gjitha dhe të ngrihemi përsëri, nga fillimi. Por nuk do ta kisha bërë kurrë pa ju, jo me këtë fuqi… dashuria juaj për mua ka qenë thelbësore, motivuese. Nuk di nëse do të gjej mënyrë ndonjëherë t’ju them mjaftueshëm faleminderit me vepra, por sot dua ta bëj me fjalë. Faleminderit që më kuptuat kaq thellë, edhe me shqipen time jo perfekte, edhe kur nuk fola… faleminderit që më vlerësuat, faleminderit për dashurinë e pakushtëzuar, faleminderit për mbështetjen, faleminderit për çdo mendim dhe dhuratë, e vlerësoj dhe e kam ndjerë gjithë energjinë tuaj pozitive. Faleminderit për çdo përqafim dhe sy të qeshur që kam ndeshur rrugës, më keni ngrohur shpirtin. Faleminderit që ma keni bërë familjar një qytet për mua të huaj.
Me ju jam ndjerë si në shtëpi.
Gëzuar! Ju dua shumë!”, ka shkruar ajo.
