Manjola Nallbani përfaqëson Shqipërinë në ‘Javën e Kulturës Ballkanike’

Këngëtarja unike e tri gjinive, Manjola Nallbani, do të përfaqësojë Shqipërinë në Festivalin Ballkanik, që do të mbahet këtë fillimvjeshte në Selanik të Greqisë. Në këtë festival Shqipëria do të prezantohet me këngë popullore të të gjitha trevave dhe disa prej perlave të karrierës së Nallbanit. Koncerti do të zhvillohet më datën 3 shtator në sheshin ‘Ballkanik” dhe pritet që Manjola Nallbani të ndezë publikun e pranishëm, mes të cilëve nuk do të mungojnë me siguri as shqiptarët që jetojnë atje. Manjola do të shoqërohet në këtë përfaqësim edhe nga një grup instrumentistësh. Lajmin e gëzueshëm ajo e ka ndarë vetë për të gjithë fansat në një postim të bërë në rrjetet sociale, ku shkruan:
“ Ndihem vertet e nderuar, te perfaqesoj Shqiperine, ne “Javen e kultures Ballkanike” Selanik – Greqi ( nata Shqiptare). Ne nje koncert live , me repertor te perbere nga disa prej kengeve me te bukura popullore te te gjithe trevave dhe muzike e lehte. Bashke me nje band instrumentistesh te shkelqyer! ???? @ermal.pepa @endritshani #sokol bimi #ervis keptiu #alex zyka . Me deshiren per tju dhene nje nate sa me te bukur e dinjitoze,gjithe shqipetareve qe do jene me ne❤”