Mariza Ikonomi rrallë flet për jetën e saj private, por e ftuar së fundmi tek “Rudina” ka pranuar se është në një lidhje dashurie, pa dhënë më shumë detaje për identitetin e personit. Këngëtarja tregoi se ata janë njohur në kohën e duhur dhe në një moment ku ishin të gjitha kushtet për të rënë në dashuri.
“Ka qenë një mbrëmje mes yjeve, mes hënës, në plazh. Kanë qenë të gjitha kushtet për të rënë në dashuri”.
E pyetur për planet për fëmijë, Mariza tha: “Unë, në fakt, ndoshta edhe për shkak të këtij instinktit të mëmësisë, kam dashur gjithmonë vajzat. Patjetër, edhe djemtë, por nuk e di pse, ngaqë jemi familje gocash. Por edhe kur ka ardhur nipi pastaj, e ndryshoi komplet. Patjetër që më pëlqen, familja është e shenjtë, e shtrenjtë dhe është ndryshe të flasësh, por kur ke vajzë, është e konkretizuar dhe të duket ndryshe.”
