Mariza Ikonomi ka pasur fatin të bashkëpunojë me Françesk Radin e ta njohë nga afër këngëtarin që la pas një krijimtari të gjerë artistike. Këngëtarja numëron dy duete me Françeskun, “Telefonatë zemrash” dhe “Jeta nuk të lë fëmijë”. Të dyja ishin këngë të suksesshme për kohën, por për shumicën “Telefonatë zemrash” ka mbetur në memorie. Por sot Mariza ka rikujtuar këngën tjetër, e cila është kënduar në vitin 1997. Këngëtarja ka publikuar në ‘Instagram’ një video nga festivali ku ajo ka kënduar bashkë me Françeskun “Jeta nuk të lë fëmijë”.
Asokohe Mariza ka qenë 14 vjeçe dhe pavarësisht se kanë kaluar 22 vite këngëtarja vazhdon të mbetet po e njëjta në portret. Bashkangjitur videos së publikuar Ikonomi ka shkruar: “Jam e sigurt që shumë prej jush njohin vetëm këngën “Telefonatë zemrash” në festivalin e vitit 1994, por shumë pak prej jush e njohin këngën ‘Jeta nuk të lë fëmijë’ ku Françesk Radi dhe unë vendosëm të riktheheshim me një tjetër bashkëpunim në vitin 1997. Ishin kohë kaq të vështira, por përsëri pasioni për muzikën nuk na trembën të sillnim në skenë këngën, ‘Jeta nuk të lë fëmijë’. P.s. Oh Zot, vetëm 14 vjeç dhe tani e shikoj veten se sa shumë emocione kam përjetuar në ato momente”.
Në intervista të shumta Mariza është shprehur se ndihet e bekuar që ka pasur mundësinë të bashkëpunojë me Françesk Radin dhe se nuk ka për të njohur kurrë artistë aq të drejtë sa këngëtari i ndjerë. /revistawho.com
