Këto vitet e fundit është kthyer në një lloj trendi veshja e nënave dhe fëmijëve me të njëjtin stil. Kemi parë fotografi nga më të ndryshmet në ‘Instagram’ dhe vërtetë kemi ngelur të mahnitur se sa bukur ngjan kombinimi nënë-fëmijë. Nuk janë të paktat rastet edhe të nënave të njohura shqiptare me fëmijët e tyre. Madje kur shikojmë të tilla fotografi, mund të themi se këto nëna VIP dinë si ta përcjellin stilin e tyre të veçantë edhe tek fëmijët. Zakonisht jemi mësuar që këto ‘kopjime’ stili të ndodhin mes nënës dhe vajzës, por ka dhe nga ato mama shqiptare që janë kombinuar mjaft bukur edhe me djalin, shembulli më i mirë ndër to është Ingrit Gjoni. Nga këto fotografi të nënave shqiptare me fëmijët e tyre mund edhe të frymëzoheni dhe pse jo të provoni dhe ju një stil të tillë. /revistawho.com
