Mazda MX-5 Miata kryeson top listën e veturave, lë pas Audi Q7, Jaguar XF… (Fotot)

World Car Awards ka shpallur modelin ​MX-5 Miata të Mazdas si veturën më të mirë të vitit 2016. Gjatë panairit ‘New York Auto Show 2016’, juria prej 73 gazetarëve ndërkombëtarë të automobilizmit ka vendosur që çmimin për veturën më të mirë t’ia ndajnë modelit Mazda MX-5 Miata. Ky nuk ishte çmimi i vetëm që mori kompania japoneze, pasi ajo fitoi edhe çmimin për Dizajnin më të mirë. Vetura më e mirë ekologjike u zgjodh Toyota Mirai, ndërsa Audi R8 Coupe mori çmimin për veturën me performanca më të mira në botë. Ndërsa, BMW 7 Series fitoi çmimin për veturën luksoze të vitit, duke lënë prapa Audi Q7, Jaguar XF, Mercedes GLE Coupe dhe Volvo XC90.