Mbesa e Princeshë Dianës, Lady Kitty Spencer është martuar me të fejuarin e saj miliarder Michael Lewis në një dasmë luksoze italiane. Nusja, 30 vjeç dhe dhëndri 62 vjeç i dhanë betimet përpara të ftuarve aristokratë në Villa Aldobrandini në Romë.
Lady Kitty kishte zgjedhur Dolce & Gabbana për të stiluar fustanin e saj dhe kjo nuk është surprizë pasi ajo ka modeluar për shtëpinë italiane të modës që nga viti 2017. Duke marrë këshilla nga Kate Middleton dhe Princeshë Beatrice, Lady Kitty u shfaq me një fustan me mëngë të gjatë dhe të fryrë në pjesën e shpatullave.
Të ftuar në dasmë ishin edhe tre djemtë e miliarderit nga martesa e mëparshme e që thuhet kanë një marrëdhënie të shkëlqyer me njerkën.
