Princ William ka njoftuar se Mbretëresha ka aprovuar një punë të re për bashkëshorten e tij, Kate Middleton dhe shprehet se kjo do e lumturonte shumë gjyshin e tij të ndjerë, princin Philip.
Kate Middleton tani do të jetë mbështetëse e një luftanije detare të re. William e bëri të ditur lajmin gjatë një vizite në një kantier në Govan, Glasgow, Skoci. Princi tha se gjyshja e tij, Mbretëresha Elizabeth i ka dhënë këtë punë të re dukeshës Kate. Kjo do të thotë se Kate do të ketë një lidhje personale të fortë për një kohë të gjatë me anijen dhe ekuipzhin e saj.
“Afeksioni i familjes sime me Flotën Detare Mbretërore dihet dhe kur po shihja punën që po bëhet sot këtu, po mendoja për gjyshin tim. Ai do ishte i lumtur sa shumë aftësi dhe teknologji janë vendosur në praktikë këtu. Madhëria e saj, Mbretëresha ka aprovuar bashkëshorten time si mbështetëse të anijes. E di që Kate do jetë shumë e lumtur të bëhet pjesë e ceremonisë që do mbahet këtu në Glasgow”-tha William.
