Prej disa vitesh, Tirana është kthyer tashmë në një destinacion të dashur për shumë yje të muzikës botërore… Mbyllja e sezonit veror do të sjellë në kryeqytet një prej emrave më të kërkuar në biznesin e argëtimit. Më 8 shtator, sheshi përpara Akademisë së Arteve do të kthehet në skenën e të rinjve që duan muzikë të mirë, sepse prej orës 21:00 Win Music Freedom – STAY YOU do të organizojë aty një festë të madhe. Surprizën e zbuloni më poshtë…
Win Music Freedom – STAY YOU është një platformë eventesh aktive qe prej vitit 2012 në Kosovë dhe Maqedoni e tashmë edhe në Shqipëri. Prej vitit 2016 ata janë shume aktivë edhe në Shqipëri me evente që kanë tërhequr vëmendjen e moshave të ndryshme por sidomos të të rinjve. Natyra artistike e eventeve me pjesëmarrje me mbi 1 mijë vetë është kryesisht e bazuar te muzika elektronike me artistë të njohur në të gjithë botën .
Vlera teknike e zërit, ndriçimit dhe vizuale, janë disa nga pjesët më të veçanta që Win Music Freedom – STAY YOU ofron, duke bërë që pjesëmarrësit të përjetojnë emocione të jashtëzakonshme të paeksploruara më parë.
Disa nga artistët që kanë performuar vitet e fundit janë: Solomun, Miss Kittin, Pan-Pot, GusGus, Apollonia, John Digweed, Better Lost Than Stupid, Nicole Moudaber, Black Coffee, Ricardo Villalobos, Art Department, Heidi, Dub Fx, Dubfire, Dennis Cruz, Martin Buttrich, Davide Squillace, Matthias Tanzmann, Hernan Cattaneo, Mathew Jonson, Little Louie Vega, Magda, Guti, Premiesku etj.
Gjatë vitit 2016-2017 kanë sjellë në vendet shqiptare artistë të tjerë të njohur si: Oxia, Adriatique, Henry Saiz, Rayko, Mendo, Dj Meme, Pete Herbert, Ninetoes, Magdalena, Luxxury, Faze Action, Oliver Dollar, etj.
Një prej emrave më të kërkuar në botën e muzikës elektronike do të pushtojë kryqytetin më 8 shtator. Erdhi momenti që Shqipëria të hapë dyert për DJ më trendy momentalisht në botë. DJ Solomun është Guru-ja i muzikës elektronike që ka pushtuar planetin.
Që prej vitit 2012, kur MixMag Magazine e votoi atë si “DJ i vitit”, karriera e tij padyshim pësoi vetëm ngritje, duke e shndërruar atë në një nga emrat më të kërkuar në botë.
Në vitin 2013, ai nisi projektin “Solomun+1” si rezident tek Pacha në Ibiza. Ky hap, ndikoi tej mase në historinë e sukseseve të tija. Solomun tani zotëron 2 shtëpi diskografike (Dynamic dhe 2DIY4). DJ Solomun performon edhe në “Dynamic Radio Show”, që ndiqet nga miliona fansa dhe transmetohet në më shumë se 30 vende të botës. I suksesshëm dhe me aftësi performuese të jashtëzakonshme, Solomun është vlerësuar DJ i vitit për 3 vite radhazi.
Ejani miq dhe përgatituni për një mbrëmje të gjatë plot muzikë dhe emocion, vishni këpucët e kërcimit dhe shihemi në dance-floor. Solomun DJ elektrizon Tiranën…
Biletat për eventin më të bukur të vitit mund t’i gjeni në pikat e poshtëshënuara.
