Atletet janë simbol i rehatisë dhe çdokush zgjedh të veshë një palë të tilla sa herë do të ndihet komod dhe është në lëvizje gjithë ditën.
Prej disa vitesh atletet janë kthyer në një trend të pa diskutuar jo vetëm me veshje sportive, por të kombinuara shumë lehtë me fustane apo veshje moderne dhe deri diku klasike.
Këtë trend e kanë përqafuar pa dyshim edhe shumë nga vajzat e show biz-it shqiptar të cilat i kanë veshur pothuajse kudo madje edhe me veshje që dikur mendohej se nuk pranonin atlete në kombinim, si një fustan me tyl për shembull. Duke filluar nga Jonida Maliqi e deri te Lori hoxha, më poshtë do t’ju listojmë personazhet që janë kthyer në frymëzim për shumë vajza shqiptare në përdorimin e atleteve dhe kombinimet e përshtatshme të tyre, edhe në ato pjesë të ditës ku mendohet të vishesh pak më serioze apo edhe me taka. Por nuk është gjithmonë kështu.
Jonida Maliqi
Këngëtarja ka qenë ndër të parat personazhe që ka përqafuar komoditetin e atleteve dhe kombinimi me çdo veshje të mundshme.
Lori Hoxha
Në qoftë se i hedhim një sy “Instagramit” të Lorit fotot me atlete, kryesisht të bardha janë të shumta dhe të kombinuara në mënyra të ndryshme.
Arbana Osmani
Jemi mësuar ta shohim moderatoren gjithmonë me taka por në përditshmërinë e saj Arbana i përdor shumë atletet.
Estela Ujka
Estela shquhet për stilin oversize dhe për guximin që ka në kombinimin e veshjeve . Këtu nuk bëjnë përjashtim një palë atlete dhe një fustan me frudha.
Irena Kita
Juristja njihet për pasionin e saj për sportin dhe stilin klasik në të veshur, por hera herës ajo i dorëzohet komoditetit të atleteve.
Viola Spiro
Me pallto, me fustan apo me xhaketë Viola gjen gjithmonë një mënyrë për t’i kombinuar atletet e saj.
Ingrit Gjoni
Këngëtares i pëlqen të kombinohet në veshje me djalin e saj Paridin, dhe si rrjedhojë në përditshmëri Ingriti vesh pothuajse gjithmonë atlete./revistawho.com
