8 Marsi erdhi tepër i veçantë këtë vit. Kantaautori i njohur Vlashen Sata solli këngën e tij më të re “Me dasht”. Një himn dashurie për ato rrahjet e përjetshme.
Kujtojmë se dy vjet më parë ai solli këngën “Frymë”, një dedikim për babain e ndjerë.
“Në fakt unë kam bërë një këngë dedikuar babit kur ai ishte gjallë, një këngë të personalizuar për të pasi dëshiroja që ai ta kishte një të tillë, dhe jo një këngë pas ikjes si tij si ato dekoratat që jepen gjithmonë kur dikush ndahet nga jeta. Prandaj “Frymë” është patjetër një dedikim për të por më shumë për mua, për familjarët, për njerëzit që kalojnë të njëjtën dhimbje.Unë gjithmonë i kam bërë premtimin vetes se ajo që do bëja si art do të kishte gjithmon në dritë në fund të tunelit. Kur flas për këtë këngë, më shumë se cdo gjë, flas për momentin e fundit para se të ndahesh nga një person. Pra ti e përqafon dikë fort kur ndahesh nga ai, nuk mendon kurrë se është i fundit. Pra e gjithë filozofia është të shijojmë momentin“, rrëfente ai në një intervistë para 2 vjetësh.