Të dëbuar në dhomën e izolimit,e cila është e mobiluar sipas stilit të para viteve 90′,biseda ka çuar Monikën dhe Arditin në ato vite!
Ajo i tregon Arditit se ka qarë kur Enver Hoxha ndërroi jetë. I pyetur nga Arditi nëse qanin vërtetë apo jo, Monika u shpreh se të gjithë që kanë qarë atëherë e kanë bërë vërtetë!
“Ai e kishte ngritur kultin e vetë, unë recitoja poezi në shkollë për të”, u shpreh Monika.
Biseda vijoi më tej, ku Monika u shpreh se një popull i tërë nuk mund të bënte lojë me këto punë. “Vetëm babai im nuk qau”, përfundoi ajo.
Një rrëfim i vërtetë ky i aktores, pasi në fakt më pas të gjithë i mohuan lotët e tyre për diktatorin. Të thuash të vërtetën është një vlerë dhe një raport që duhet vendosur në shoqërinë tonë, jo veç për periudhën e errët të komunizmit./revistawho.com
