Meghan Markle ka thyer së fundmi heshtjen në lidhje me vdekjen e mbretëreshës Elizabeth II.
“Ndihem me fat që e kam njohur”, tha sjo për “Variety” në një intervistë të botuar të mërkurën.
“Jam vërtet mirënjohëse që munda të jem me burrin tim, për ta mbështetur atë, veçanërisht gjatë asaj kohe,” vazhdoi Meghan.
“Ajo që është më e bukur është të shikosh trashëgiminë që gjyshja e tij mundi të linte në kaq shumë fronte.”
Ish-aktorja e quajti Elizabeth “shembulli më i ndritshëm i lidershipit femëror”, duke shtuar, “Ndiej mirënjohje të thellë që kam qenë në gjendje të kaloj kohë me të dhe ta njoh atë.”
Ajo vuri në dukje se ndërsa “ka qenë një kohë e ndërlikuar”, Harry ka mbetur “gjithnjë optimist” dhe thotë: “Tani ajo është ribashkuar me burrin e saj”.
Duka i Sussex-it nxitoi në shtratin e gjyshes së tij në mëngjesin e 8 shtatorit pasi dëgjoi lajmin se shëndeti i saj po rëndohej, por ai mbërriti disa orë pasi ajo vdiq atë pasdite.
