Një studente e cila u ngacmua në shkollë për flokët e saj të kuq dhe lëkurën e bardhë, është bërë flokëkuqja e parë që fiton kurorën e Miss Anglisë.
Jessica, 26 vjeçe, rrëmbeu çmimin nga kthetrat e 30 vajzave të tjera të bukurisë në eventin e shkëlqyeshëm, i cili u zhvillua në Birmingham këtë javë.
Studentja e inxhinierisë së hapësirës ajrore tani do të vazhdojë të konkurrojë për Anglinë në titujt Miss World. “Gjatë gjithë shkollës së mesme më ngacmonin se isha flokëkuqe”, ka rrëfyer 26-vjeçarja.
“Nuk e përmenda shumë në konkursin e vitit të kaluar pasi besoj shumë në lënien e negativitetit në të kaluarën, por duke qenë se nuk ka pasur kurrë një Miss Anglia flokëkuqe, mendoj se është e rëndësishme të edukohen njerëzit për atë që përballen fëmijët flokëkuqë në shkollë. Fuqizoni fëmijët që po kalojnë të njëjtat gjëra që kam kaluar unë.”
Ajo ka rrëfyer më tej se i kanë bërtitur, goditur, pështyrë dhe i kanë hedhur gjëra në kokë. Por Jesicca ishte më e fortë se të gjitha këto gjëra të vogla dhe ajo nuk u dorëzua. Sot ajo është në maksimumin e saj, pasi ka nënshkruar kontratë me disa agjenci kur ka mbushur 18 vjeçe dhe ka ecur në pasarelat më të mira ndërkombëtare.
