Kader Kicaj ka bërë postimin e parë dy ditë pasi njoftoi ndarjen nga Lumbardhi. Ish-banorja e Big Brother Vip Kosova shkruan në Instastory: “Më mirë një fund me dhimbje sesa një dhimbje pa fund”, shënim i cili interpretohet si një mesazh për ish të dashurin, fituesin e BBVK2 Lumbardh Saliun.
Nga ky i fundit nuk ka ende asnjë reagim, ndërsa theksojmë se dyshja kanë fshirë çdo postim me njëri-tjetrin në rrjete sociale.
Kujtojmë se dy ditë më parë Kader Kicaj bëri një postim të papritur ku shkruante se ajo dhe Lumbardhi nuk janë më bashkë. Në një postim tjetër të cilin më pas e fshiu, ajo pretendonte se lidhja e tyre përfundoi pasi zbuloi se Lumbardhi e kishte tradhtuar.
