Është tashmë e konfirmuar se “Big Brother”, formati televiziv që theu rekorde audience prej vitesh, do të rikthehet në ekranin e Top Channel, por këtë herë në versionin VIP. Dhe sigurisht drejtimin e këtij spektakli e ka marrë moderatorja ikonë e “Big Brother”, Arbana Osmani, e cila sot ka konfirmuar lajmin duke ndarë disa imazhe nga fitoret ndër vite dhe shkruan një mesazh emocionues duke kujtuar sesi gëzoi njësoj si 13 vite më parë, kur në prill i kërkuan të merrte drejtimin e formatit.
“13 vite më parë, kur isha vetëm 25 vjeç, Tani më besoi drejtimin e spektaklit që do të gozhdonte shqiptarët para ekranit për gati një dekadë. Dita kur në celularin tim ka ardhur mesazhi i tij “Urime për Big brother” ka qenë një nga ditët më të lumtura të jetës sime, e megjitheate kurrë nuk ma kishte marrë mendja që “Big brother” do identifikohej aq shumë me mua dhe unë me të sa që me kalimin e viteve mu bë si mbiemër:) Kur në prill të këtij viti drejtuesit e Top Channel më kërkuan drejtimin e formatit pikërisht sepse “nuk ka asnje kuptim nëse nuk je ti” gëzova njësoj si para 13 viteve, por nuk doja ta ndaja me ju pa filluar puna. Që atëherë, bashkë me një skuadër fantastike kemi punuar dhe po punojmë çdo ditë për të risjellë në sezonin e ri në ekranin e Top Channel programin që prisni prej 4 vitesh. Me besimin që do te jetë një edicion i paharrueshëm, emocionues, drithërues e dinjitoz, siç e meriton. Shihemi në tetor, me Big Brother Vip”-shkruan Arbana.
View this post on Instagram
